Æппæтуæрæсеон адæмон фронты уæнгты сагъæсы æфтауы сывæллæтты хъазæн фæзты уавæр

12 июля 2016, 13:30

Цы 23 объекты бабæрæг кодтой, уыдонæй æрмæстдæр аст дзуапп дæттынц техникон домæнтæн. Активисттæ курынц, цæмæй сæхгæной, Дзусы-фырты уынджы 22-æм бæстыхайы кæрты цы хъазæн фæз и, уый.

81131

Æппæтуæрæсеон адæмон фронты уæнгты сагъæсы æфтауы сывæллæтты хъазæн фæзты уавæр. Цы 23 объекты бабæрæг кодтой, уыдонæй æрмæстдæр аст дзуапп дæттынц техникон домæнтæн. Активисттæ курынц, цæмæй сæхгæной, Дзусы-фырты уынджы 22-æм бæстыхайы кæрты цы хъазæн фæз и, уый. Уымæн æмæ йæ тæккæ сæрмæ цæуынц электрон телтæ. Адæмон фронты уæнгтæ хъавынц, бæрæггæнæн куысты рæстæг цы хъæндзинæдтæ сбæрæг кодтой, уыдон æмбæлгæ куыстуæттæм арвитын, стæй сæ зæрды ис хæдзæртты æмбалæдты сæрдартимæ фембæлын. Сæ кæртыты хъазæн фæзтæ æдасдзинады домæнтæн дзуапп кæмæн нæ дæттынц, уыцы цæрджытæ хъуамæ æппæтуæрæсеон адæмон фронты регионалон хайадмæ æрвитой сæ уавæры тыххæй къамтæ æмæ цæстуынгæ æрмæджытæ. Бæлвырддæр радзурдзæн Фидараты Маринæ.

Шмулевичы уынджы сывæллæтты хъазæн фæз, раст цыма хæсты фæстæ у, ахæм хуыз ын ис. Бæлæстæ калд, бырæттæй йедзаг. Æрæджы цы тæрккъæвдатæ æрцыдысты, уыдон ацы фæзыл тынг фæбæрæг сты.

Хи хъарутæй территоримæ базилын бынæттон цæрджытæн не нтысы. Хъæуынц специалисттæ. Сывæллæттæ сæхæдæг куыд радзырдтой, афтæмæй дзы

Æмæ ахæм цаутæ арæх æрцæуынц, зæгъынц «Æппæтуæрæсеон адæмон фронты» минæвæрттæ. Федералон мониторинг аразгæйæ арæх сæмбæлынц аипдзинæдтыл. Статистикæйы бæрæггæнæнтæм гæсгæ, сывæллæттæ цы цæфтæ фæвæййынц, уыдонæн се вдай проценты æрцæуынц ирхæфсæн фæзты. Баскетболæй, волейболæй æмæ футболæй хъазæн фæзтæ арæх вæййынц æдзæллаг уавæры. Бирæ хæттыты сæм ныййарджытæ базилынц сæхæдæг.

Æмæ ма иу дæнцæг æрхæссæн ис Владикавказскийы уынджы фæндзай фæндзæм хæдзарæй.

Габолаты Ростислав, Владикавказскийы уынджы 55-æм хæдзары цæрæг: «Æппæт хъæстытæ арвитдзысты Дзæуджыхъæуы администрацимæ æмæ æндæр бæрнон куыстуæттæм, зæгъынц Æппæтуæрæсеон Адæмон фронты минæвæрттæ. Уырдыгæй та хъуамæ райсой бæлвырд дзуæппытæ№.

Сывæллæтты ирхæфсæн фæзтæ æвæгæсæгæй нæ баззайдзысты, зæгъынц администрацийы. Сæ иу хайæн нырæй фæстæмæ дзуапп дæтдзысты разамынддæттæг компанитæ, иннæтæн та хæдзæртты хицæутты æмбаладтæ. Сæйрагдæр у сывæллæтты æдасдзинад, зæгъынц «Адæмон фронты» уæнгтæ».