филиал вгтрк государственная телерадиовещательная компания “Алания”

Æрæджы республикæйы цы æрдзон фыдбылызтæ æрцыди, уыдон бахъыгдардтой цардархайды алы къабæзтæ.

Тæрккъæвдатæ æмæ их бацауæрстой уæлмæрдтыл дæр. Æнусон бæлæстæ рафæлдæхтысты ингæнтыл. Цыртдзæвæнты хсæн къахвæндæгтæ байдзаг сты бырæттæй æмæ къалиутæй. Администрацийы кусджытæ адæмы курдиæттæн лæвæрдтой ахæм дзуапп: тæрккъæвдаты фæстиуджытæ аиуварс кæныны хъуддагæн хъæуы рæстæг. Уымæн æмæ – нæ техникæ нæ фаг кæны, нæ адæм.

Новоосетинский кæй хонынц, уыцы уæлмæрды ныридæгæн дæр бирæ бакуыстой, æфснайынц ын йæ алыварс æмæ цыртдзæвæнты хсæн. Администрацийы æркæсынц æппæт хъæстытæм дæр.

Рæмонаты Любовь дзуры, ацы уæлмæрды ныгæд сты йæ бинойнаг, йæ фырт, хæдзары хицауы ныййардждытæ. Æрæджы дæр ма æрдзон фыдбылызы аххосæй сæ цыртдзæвæнтæ зынгæ дæр нæ кодтой. Ныр уавæр аивта. Куыстытæ цæудзысты дардддæр. Хыгдарынц сæ æрмæст къæвдатæ. Цы снысан кодтой, уыдон хъуамæ конд æрцæуой мæйы æмгъуыдмæ.