Аргъ сын кодтой 12 номинацимæ гæсгæ. Æмæ конкурсы хатдзæгтæм гæсгæ хорзæхгонд æрцыд Дур-Дуры администрацийы сæргълæууæг Цагаты Сослан. Мамсыраты Таймуразы номæй йын
«Уый адæмы куыст у», – зæгъы Сослан. – «Иумæйаг хъарутæй сцалцæг кодтам дыууæ хиды, скъолайы сарæзтам спортивон зал, фестырдæр кодтам сывæллæтты рæвдауæндон. Фæззæджы дзы байгом уыдзæн уæлæмхасæн къорд»… Хъæуæн цы хца радтой, уыдон, чи зоны, бирæ не сты, фæлæ дзы уæддæр цавæрдæр куыстытæ скæнæн ис. Дур-Дуры администрацийы специалисттæ бæрæг кæнынц цы дзы скæндзысты, уый. Бакæнинаг хъуыддæгтæ дæр гыццыл не сты: доны хæтæлтæ хъæуы баивын, дамбæтæм базилын, фæнды сæ тротуартæ скæнын. Æппæты фыццаг та хъуыды кæнынц сывæллæттыл – æмæ сын фæнд кæнынц спортивон фæз саразын. Ныртæккæ кæсынц цалдæр проектмæ.
Цагъаты Сослан, Дур-Дуры администрацийы сæргъълæууæг: «Алцыдæр бакæнын нын нæма бантыст скæнын. Фæлæ нæм фæндтæ ис. Адæм дæр разæнгардæй кусынц нæ хъæуы райрæзтыл. Æмæ иумæ цыфæнды хъуыддаг дæр сараздзыстæм. Цы хца рамбылдтам, уыдонæй дæр скæндзыстæм цыдæр хъуыддæгтæ. Цас сфаг уой, уый бæрц. Нæ хъæу рæсугъд куыд уа, уый нæ се ппæты дæр фæндуй».
Æрæджы Цæгат Ирыстоны хъæуты хсæн равзæрстой хуыздæрты. Аргъ сын кодтой 12 номинацимæ гæсгæ. Конкурсы хатдзæгтæм гæсгæ хорзæхгонд æрцыд Дур-Дуры администрацийы сæргълæууæг Цагъаты Сослан. Мамсыраты Таймуразы номæй йын радтой Кады диплом æмæ хцайы преми 300 000 сомы – хъæуы дарддæры рæзтæн. Цагъаты Сослан, Дур-Дуры администрацийы сæргъълæууæг: «Хуыздæртыл нæ кæй банымадтой, уый æхсызгон у. Архайдзыстæм дарддæр дæр. Ныр та уал цæмæй раппæлæм уый ис: сывæллæттæн скодтам алыхуызон фæзтæ, спортмæ сæ æздахæм, уынгты аивдзинадыл кусæм. Иу ныхасæй алцыдæр кæнæм, цæмæй дарддæр дæр уом хуыздæр гъдауæй».
Цы бакуыстой, уыдоныл дзургæйæ, хъæуы цæрджытæ тынг цин кæнынц ног амбулаторийыл. Уæлдайдæр та сæ ныр дохтырты ххуысмæ горæтмæ цæуын кæй нал хъæудзæн, ууыл. Ифтонг у хъæугæ хостæй æмæ ног техникæйæ. Суанг ма сæм электрофорез кæнынæн кусæнгæрзтæ дæр ис. Хъæуы хистæртæй иу, 92 –азыдзыд Цалиты Сафар фæцард Дур-Дуры. Фæлæ дзы цæрынæн ахæм хорз уавæрты кæд уыд, уый нæ хъуыды кæны. Йæ рæстæджы хъæлæс кодта Цагаты Сосланыл æмæ йыл фæсмон нæ кæны.
Цалиты Сафар, Дур-Дуры цæрæг, хъæуы ветеранты Советы сæрдар: «Нæ фæндæгтæ нын кæй скодтой, уый дæр цæй аргъ у. Бирæ цыдæртæ скодтой æмæ хъуыддæгтæ кæй руаджы æнтысынц, уый дæр зонæм. Æмæ сын бузныг зæгъын хъæуы». Хъæуы цæрджыты циндзинад ма у сæ ног фæндаг. 12 км йеддæмæ нæу, фæлæ иу раздæр хъæуæй Дигорамæ сахатæй къаддæр цæуын нæ хъуыд. «Ныр та лæгъз фæндагыл 12 минутмæ бахæццæ вæййæм», – зæгъынц Дур-Дурæгтæ. Хуыздæр хъæу æвзарæг сæрмагонд къамис бæрæг кодта алы объект дæр. Йæ хатдзæгæм гæсгæ Дур-Дуры иунæг объект дæр æнæрхъуыдйæ нæ баззад. Алкæмæ дæр дзы цæуы цæстдард. Хуыздæр кæнынц цæрджыты сооциалон уавæртæ дæр. Уый та у сæ рæсугъд фидæнмæ фæндаг.
