Уыцы боны кадæн Цæгат Ирыстоны уыд наукон-практикон конференци. Ныхас цыд, æрдзы ивддзинæдтæ адæмы æнæниздзинадыл куыд ахадынц, ууыл. Конференцимæ ссыдысты
Æрдзон хъæздыгдзинæдтæй пайда кæныны æмæ экологийы ахсджиагдæр фарстатыл ныхас кæнгæйæ, ахуыргæндтæ сæ докладты бæстон æрдзырдтой экологон хъомылады ахадындзинадыл. Куыд зæгъынц, афтæмæй скъоладзаутæн, æнæмæнг, хъæуы амонын экологон культурæ æмæ ардзхъахъхъæныны фарстатæ. Уыимæ хъуамæ зоной, промышленносты рæзт цы зиан хæссы æмæ дзы хи куыд хъахъхъæнæн ис, уый.
Кæд фæстаг азты фылдæр куыстуæттæ ног технологитæм гæсгæ кусынц, уæддæр экологон уавæр кæны фыддæр, йæ аххосæй чи рынчын кæны, уыдоны нымæц та – фылдæр. Конференцийы хатдзæгтæм гæсгæ рацæудзæн æмбырдгонд. Бакæсæн дзы уыдзæн 30 наукон куыстæй фылдæрмæ.
Тускъаты Таймураз, Æрдзхъахъхъæныны Æппæтуæрæсеон æхсæнады цæгатирыстойнаг регионалон хайады цæстдарæг советы уæнг: «Мах хъуамæ ууыл архайæм, цæмæй фидæны фæлтæртæн дæр баззайой æрдзы хъæздыгдзинæдтæ, йæ рæсугъддзинад. Ныртæккæ бирæ аиппытæ ис æрдзхъахъхъæнæн æмæ цæстдарæг оргæнтæм. Фæлæ æппæты фыццаг куыстуæттæ æмæ адæм сæхæдæг хъахъхъæной нæ алыварс æрдз. Конференцийы дæр ууыл ныхас кодтам, равзæрстам фæстиуджытæ æмæ сæ куыд аиуварс кæнæн ис, уый»
