Æбæрæг дыууæ фыдгæнæджы амардтой æмæ басыгътой адæмы чи ласта, ахæм таксисты. Пъæлицæйы кусджытæ агурынц марджыты, æмæ сидынц республикæйы цæрджытæм, кæд ацы цауы тыххæй исчи исты зоны, уæд сæм куыд фехъусын кæной.
Рагагъоммæйы бæрæггæнæнтæм гæсгæ дыууæ фыдгæнæджы машинæйы шофыры куы амардтой, æмæ йæ куы басыгътой, уæд фистæгæй рацыдысты Мæскуыйаг уынгыл æмæ сæ ных сарæзтой Гæдиаты Секъайы уынджы ‘рдæм.
Йæ машинæйы видео-регистратор кæмæн ис, уыцы шофыртæй знон сихорыл цæхæрадæтты æмбалад «Ахаргæнæджы» районы чи уыди, уыдонæн сæ бон баххуыс кæнын у фыдракæнд раргом кæнынæн. Кæд сæ регистраторыл 15-æм модель урс машинæ
А 557 НМ паддзахадон номыртимæ ис, кæнæ та фæгуырысхо кодтой дыууæ фистæгæй цæуæгыл, уæд барадхъахъхъæнæг оргæнтæм бадзурæд мæнæ ацы телефонмæ 59-46 99 кæнæ 02-мæ.
