филиал вгтрк государственная телерадиовещательная компания “Алания”

20:14 среда, 20 августа 2025
20 мая 2014, 17:29
Æрвылазон республикон фестиваль «Шаг навстречу» арæзт æрцыд Дзæуджыхъæуы

Архайынц дзы, се нæниздзинад хъыгдард кæмæн у, ахæм сывæллæттæ. Сæрмагондæй сабитæ бацæттæ кодтой театралон равдыстытæ, зарыдысты, кафыдысты æмæ аив кастысты æмдзæвгæтæ.

Æрвылазон республикон фестиваль «Шаг навстречу» арæзт æрцыд Дзæуджыхъæуы
Архайынц дзы, се нæниздзинад хъыгдард кæмæн у, ахæм сывæллæттæ. Сæрмагондæй сабитæ бацæттæ кодтой театралон равдыстытæ, зарыдысты, кафыдысты æмæ аив кастысты æмдзæвгæтæ. Фестивалы архайынц сывæллæттæ Мæздæгæй, Елхотæй, Беслæнæй æмæ Дзæуджыхъæуæй. Сæ фылдæр сты, инклюзивон ахуырад кæм ис, уыцы скъолатæй. Æдæппæтæй республикæйы ис, се нæниздзинад хъыгдард кæмæн у, ахæм иу мин æмæ 500 сывæллоны. Фестиваль «Шаг навстречу» сывæллæттæн æххуыс у сæхи бафæлварынæн æмæ сæ курдиат раргом кæнынæн.

Дзебысаты Орнелла, фестиваль «Шаг навстречу»-йы архайæг: «Цæмæн хъæуы ахæм фестивальтæ – уый тыххæй, цæмæй сывæллæттæ сæхи равдисой, цы зонынц, цæуыл куыстой. Абоны фестивальмæ мах бацæттæ кодтам аргъау Теремок, æмæ дзы æз уыдтæн мыст».

Бæрæзгаты Ларисæ, Дзæуджыхъæуы уæзхъус сывæллæтты скъола-интернаты директоры хæдивæг: «Ацы фесиваль цæуы ныр 3-аг аз. Архайынц дзы се нæниздзинад кæмæн у, ахæм сывæллæттæ. Уыдонæн ис бирæ куырдиæттæ æмæ ацы фестивалы сæ бон у уыдон равдисын. Фестиваль сын пайда у уымæй, æмæ ам ахуыр кæнынц æхсæнады сæхи куыд дарой, ууыл. Æмæ æз бузныг зæгъын ахуырады æмæ наукæйы министрадæн, кæй скæнынц ахæм фестивальтæ æмæ нæ сывæллæттæн сæ бон сæхи равдисын кæй у».

темæмæ гæсгæ
vgtrk_alania
vgtrk_alania
vgtrk_alania
vgtrk_alania