Цæгат Ирыстоны хъæууон хæдзарады кусджытæ æнхъæлмæ кæсынц хуыздæр боныхъæдмæ. Фæстаг рæстæг къæвдыджын кæй у, уымæ гæсгæ бахъыгдардта уалдзыгон-быдырон куыстытæ.
Республикæйы æппæт районты дæр цæттæ сты техникæ, мыггæгтæ, артаг дæру æдæ фаг. Фæлæ уæддæр уалдзыгон – быдырон куыстытæ фæстиат кæнынц. Фæрæзтæ фаг ис, фæлæ боныхъæд къуылымпы кæны. Къæвдатæ техникæ быдыртæм ракæнын нæ уадзынц. Æрæджы цы их æруарыд, уый та Æрыдоны æмæ Мæздæджы районты хъæууонхæдзарадон культуртæ бахъыгдардта 80 мин гектары. Уавæр сбæрæг кодтой, хъæууон хæдзарады министр Зассеты Роберт, æмæ районты хайæдты специалисттæ. Бынаты федта æрдз цы фыдбылыз æрхаста, уый.
Цæгат Ирыстоны сæргълæууæджы уынаффæмæ гæсгæ цы сæрмагонд къамис арæзт æрцыди, уый бæрæг кæны алы районты æрдз цы зиан æрхаста, уый. Хъыгдард цы зæххытæ баййæфтой, уыдон фермертæ ногæй бахуым кæндзысты, æмæ дзы байтаудзысты фæззыгæндтæ, кæнæ та тагъд чи цæттæ кæны, ахæм культуртæ. Фæлæ уæддæр цы тыллæгмæ æнхъæлмæ кастысты, уый нал райдзысты.
Ихы æруард бакъуылымпы кæнæн уыди. Æрыдоны районы ис ихы ныхмæ кусæнгæрзтæ. Фæлæ дзы уыцы бон ницы пайда уыди, уымæн æмæ дзы сæрмагонд сармадзантæ нæ уыди. Министрады æмæ службæйы куыд зæгъынц, афтæмæй республикæйы их арæх вæййы, æмæ сармадзантæ тагъд фæвæййынц.
Касаты Наирæ
