2012-æм азы хуыздæр ахуыргæнæнгыл нымад æрцыд Аннæ Мамутова. Ацы аз æппæтуæрæсеон конкурс уыд Липецкы.
2012-æм азы хуыздæр ахуыргæнæнгыл нымад æрцыд Аннæ Мамутова. Ацы аз æппæтуæрæсеон конкурс уыд Липецкы.
Арæзт æрцыд цалдæр къæпхæнæй. 77
педагогæй финалмæ рацыдысты 15 – æй. Се хсæн не мзæххон дæр. Куы
сыздæхт, уæд ыл скъолайы æртæ чъириимæ сæмбæлыдысты йе мкусджытæ,
ахуырдзаутæ æмæ сæ ныййарджытæ. Аннæ Мамутовайы ахуыргæнæг суæвын йæ
чысылæй фæстæмæ фæндыд. Ацы куыст ын бауарзын кодта йæ фыццаг
ахуыргæнæг. Йæ бæллиц сæххæст, æмæ ныр 16 азы йæ зонындзинæдтæ не вгъау
кæны прогимнази «Интеллект»- ы райдиан кълæсты ахуырдзаутæн. Уæрæсейы
хуыздæр ахуыргæнæджы ном æрмæст æнтыстджын куысты нысан нæу. Конкурсы
уæлахиздзауыл æвæрд ис стыр хæстæ. Куыд ахуырады, афтæ хъомылады æмæ
æхсæнады дæр. Фæлæ, Аннæ йæхæдæг куыд зæгъы, афтæмæй йын сæйрагдæр у
сывæллæтты уарзондзинад.
Дзодзыккаты Зелим, прогимнази
«Интеллект»- ы ирон æвзаджы ахуыргæнæг: «Анна Мамутова тынг хорз
ахуыргæнæг у. Куысты та æнæмæнг рабæрæг вæййынц адæймаджы хуыздæр
миниуджытæ дæр, стæй чи цавæр специалист у, уый дæр. Мæ бон зæгъын у,
Аннæйæн скодтой аккаг аргъ. Æз мæхæдæг дæр æрыгон ахуыргæнæг дæн æмæ мæ
æххуыс куыд нæ бахъæуы. Æмæ Аннæмæ цыфæнды фарстайы фæдыл куы бацæуай,
кæддæриддæр æрбалæудзæн дæ фарсмæ, бамбарын кæндзæн, бацамондзæн».
