Уыцы рæстæгмæ сæм æрбадзырдтой 4 000 адæймагæй фылдæр. Цы курдиæттимæ сæм дзырдтой, уыдон иууылдæр æххæстгонд æрцыдысты.
Службæйы специалистты бæрæггæнæнтæм гæсгæ уазæлтты рæстæг курдиæтты нымæц дзæвгар фæфылдæр вæййы. Арæхдæр сты цæрæн-коммуналон хæдзарады фарстатæ, уæлдайдæр та хъармгæнæнты æмæ энерги фæстауæрцгæнæн системæтимæ баст чи у, уыдон. Æрмæст ацы къуыри службæмæ æрьадзырдтой 700 хатты. Куыстыты фылдæр хай кусджытæ аиуварс кæнынц сæхæдæг. Зындæр уавæр кæм сæвзæры, уырдæм та рацæуынц горæты коммуналон службæты специалисттæ.
Ныртæккæ иумæйаг службæйы кусы 82 адæймаджы. Хæстæгдæр рæстæг сæ нымæц фæфылдæр уыдзæн. Уыимæ фæфылдæр уыдзысты службæйы хæстæ дæр. Æххуыс кæндзысты канд Дзæуджыхъæуы нæ, фæлæ æппæт республикæйы цæрджытæн дæр. Цæмæй бынатмæ тагъддæр хæццæ кæной, уымæн та сын æххуыс у ГЛОНАСС-ы системæ.
