Ахæм хæс йæ размæ æвæры Дзæуджыхъæуы администраци. Ныр дæр рæвдауæндæтты кусджытæ, уæлæмхасæн ахуырады педагогтæ æмæ бухгалтертæ банкъардтой, сæ мызд кæйфæфылдæр, уый.
Мулдарты Светланæ сывæллæттимæ кусынмæ йæ чысылæй фæстæмæ бæллыд. Æмбæлгæ ахуырад райсгæйæ, нæ фæтарст гыццыл мыздæй æмæ райдыдта кусынхъомылгæнæгæй. Ацы аз ахуыргæнджытæн æмæ хъомылгæнджытæн сæ мызд фæфылдæр кæндзысты, зæгъгæ, куы фехъуыста, уæд æй фыццаг уырнгæ дæр нæ бакодта.
Мулдарты Светланæ, Дзæуджыхъæуы 17-æм рæвдауæндоны хъомылгæнæг: «Раздæр нæ мызд гыццыл уыд. Ницæй фаг кодта. Адæймаг-иу æй куыд схардз кодтаид æмæ куыд аххæсыдаид, уый нæ зыдта. Стыхстыстæм-иу. Ныр та нын цины хабар фехъусын кодтой. Нæ мызд нын фæфылдæр кодтой. Æмæ стыр бузныг нæ хицауадæн, уыцы хъуыддагыл чи бакуыста, уыдонæн се ппæтæн дæр. Ахæм мызд исгæйæ, нæ цард дæр кæд фæхуыздæр уаид. Фылдæр фаг нын кæндзæн».
Цин кæнынц рæвдауæндæтты æппæт кусджытæ.Кæд дзы йæ куыстмæ гæсгæ, алкæмæндæралыхуызон бафтыдтой, уæддæр сты разы.Бирæтæнсæ раздæры мызд æмæ ныртæккæ цы райстой, уый хицæн кæны.
Багаты Ритæ, рæвдауæндоны ирон æвзаджы ахуыргæнæг:
«Куы йæ базыдтаммызд фæфылдæр кодтой, уæд æй кæрæдзийæн дзырдтам. Уый бæрц ыл бафтдзæн, уый та уырнгæ дæр никæй кодта. Йер мæнæн фæфылдæр 3 500 сомы. Катай иу кодтой, иннæ мыздмæ йæ куыдаххæсын кæной. Ныр уал разы дæн. Зæрдæ æвæрынц ноджы дæр ма йыл кæй бафтаудзысты, æмæ уæд кæд мах дæр адæмы мыггаг цард кæниккам. 12.05фæфылдæр ис».
Фылдæр мызд исдзысты уæлæмхасæн ахуырады педагогтæ дæр. Хицауады уæнгтæ сæрмагондæй æркастысты ацы къабазы кусджыты уавæрмæ, цыди сыл хицæн ныхас. Дзæуджыхъæуы администрацийы уынаффæмæ гæсгæ, уæлæмхасæн ахуырады педагогты мызд рæстæмбис нымадмæ гæсгæ 11 850 сомæй къаддæр нæ уыдзæн. Аивта ахуыргæнджыты мызддæр. Ныртæккæ рæстæмбис нымадмæ гæсгæ ахуыргæнæгисы15 800 сомы.
Мария Кулишкина, 5-æм гимназы директор: «Мызд кæй фæфылдæр, уый æнæмæнг, фæбæрæг ахуырады хæрзхъæддзинадыл дæр. Ахуыргæнджыты куыстыл дæр. Уымæй уæлдай ма фæбæрзонддæр сты уæлæмхасæн фиддонтæ дæр. Æмæ ахуыргæнджытæ кусынц сæхиуыл, архайынц сæ куыст фæмидисджындæр кæныныл, сывæллæттæн урокты цымыдисаг æрмæджытæ дæттын, сæ фæлтæрддзинад кæнынц бæрзонддæр. 1-мæ январæй скъолаты техникон æмæ лæггадгæнæг кусджыты мызд дæр фæбæрзонддæр.кæд раздæр истой 4 600 сомы, уæд ныр сси 5 205сомы».
Рох не стыскъолаты, рæвдауæндæтты æмæ уæлæмхасæн ахуырады бухгалтертæ. Уыдонæн дæр сæ мызд фæфылдæр 1,5 хатты. Дзæуджыхъæуы администрацийы куыд æмбарын кæнынц, афтæмæй рæвдауæндæтты, скъолаты агъоммæйы ахуыргæнæндæтты кусджыты æмæ бухгалтерты мызд фæфылдæр кодтой муниципалон бюджетæй.
Дзæуджыхъæуы администрацийы ахуырады управленийыхицау Тменаты Алексей ма фæбæрæг кодта, 2013-æм азы кæронмæ ма ахуыргæнджыты мыздыл ноджы кæй бафтдзæн, уый. Кусдзысты педагогон дæсныйæдты кад фæбæрзонддæр кæныныл.
Фæлæ кæд мызд рæзы, уæддæрахуырадыиуæй иу кусджытæн фæцæрынæн æппын къаддæр бæрцмæ дæр нæ хæццæ кæны. Афтæмæй кусын та, зын у.
Зыхъуаты Жаннæ
