Афæдзы дæргъы республикæйы уый кадæн бирæ алыхуызон мадзæлттæ арæзт цыдис. Сæйрагдæр бæрæгбон та уыдзæн 11-æм октябры Къостайы райгуырæн хъæу Нары. Сæрмагонд машинæ – грейдер сыгъдæг кæны Нармæ бацæуæнтæ. Хетæгкаты Къостайы райгуырдыл 155 азы кæй æххæст кæны, уымæ гæсгæ ацы аз ам бирæ уазджытæм æнхъæлмæ кæсынц. Цæмæй транспорт æнæ къуылымпыйæ æрбахæццæ уа, æмæ йæ сæвæрынæн бынат уа, уый тыххæй фæндаг лæгъз кæнынц.
Сæрмагонд машинæ – грейдер сыгъдæг кæны Нармæ бацæуæнтæ. Хетæгкаты Къостайы райгуырдыл 155 азы кæй æххæст кæны, уымæ гæсгæ ацы аз ам бирæ уазджытæм æнхъæлмæ кæсынц. Цæмæй транспорт æнæ къуылымпыйæ æрбахæццæ уа, æмæ йæ сæвæрынæн бынат уа, уый тыххæй фæндаг лæгъз кæнынц.
Хетæгкаты Къостайы гуырæнбон йæ райгуырæн хъæуы сбæрæг кæндзысты 11 октябры. Фольклорон бæрæгбон «Вселенная – Отечество мое» æрæмбырд кæндзæн уазджыты бæстæйы алы регионтæй, стæй сыхаг паддзахадтæй. Уыдонæн сæ арæхстдзинад равдисдзысты сывæллæтты хор «Юность Кавказа», кафæн фестиваль «Аланийы сæуæхсидты» архайджытæ, бæхты театр «Нартæ»-йы артисттæ. Ам уыдзæн «Ирон зарæджы» фестивалы финал дæр».
Ирон литературæйы бындурæвæрæджы райгуырæн бонмæ цæттæгæнæн куыстытæ Нары сæ тæмæны сты. Фæндаггон-арæзтадон бригад аив кæны поэты мемориалон хæдзар-музеймæ бацæуæн.
Джызойты Махар, хайады хицау: «Æртыккаг бон кусæм: кæм дзы бордюр баивинаг у, кæм плиткæ асаст. Уыдон цалцæг кæнæм, цæмæй хуыздæр уой. Къостайы гуырæн бон уыдзæн, æмæ уый тыххæй архайæм».
Къостайы мемориалон хæдзар-музей у Нары сæйрагдæр символ. Уый саив кæнын у ахсджиагдæр хæс. Музейон комплексы сæргълæууæг Гаглойты Сандро æвдисы поэты обелиск. Уый ныртæккæ ногæй рацарæзтой. Ныр цы уавæры ис, уымæй Сандро разы у.
Æмтгæй райсгæйæ, музей хорз уавæры ис. 2009-æм азы бындурон цалцæггонд æрцыд. Фæлæ уæддæр ис лыггæнинаг фарстатæ. Хъæуы базилын къæсæртæм, баивын æнцойгæнæнтæ.
Хъæуы ма мидæггаг къултæй иу чъырæй сцæгъдын. Уыцы фарстатæ алыг кæнынæн бирæ рæстæг нæ хъæуы, зæгъы музейы сæргълæууæг. 11-æм октябрмæ хъуамæ алцыдæр цæттæ уа.
Гаглойты Сандро, Хетæгкаты Къостайы мемориалон хæдзар-музейы сæргълæууæг: «Хъæуы чысыл фарстатæ сæххæст кæнын. Æмæ дæсны адæймаг куы æрбацæуа, уæд сæ сараздзæн иу бонмæ».
Поэты юбилей сбæрæг кæнынмæ сæхи цæттæ кæнынц бынæттон цæрджытæ дæр. Тотиты Юрийы ныхæстæм гæсгæ, Къостайы райгуырæн бон Нары у æппæтæй сæйрагдæр бæрæгбон.
Тотиты Юрий: «Алы аз дæр ам фæбæрæг кæнынц. Æрбацæуынц Хетæгкатæ, Гуыбатæ. Ирон адæмæн Къоста цы æгъдау скодта, уый се ‘ппæт дæр зонынц, æмæ цæуынц».
Ацы æхсызгон цау Нары иу бон нæ бæрæг кæндзысты. 15-æм октябры дæр ам арæзт æрцæудзысты кадджын мадзæлттæ.
Хъайтмазты Дзерассæ
