Уый, Цæгат Ирыстоны хъæууон хæдзарады у ног, фæлæ уыцы иу рæстæг стыр фидæн кæмæ æнхъæлмæ кæсы, ахæм къабаз
Кавказы климæт специалисттæ барынц Италийы климæтимæ. Уымæ гæсгæ 2019-æм азы республикæйы бындур сæвæрдтой æхсæры цæхæрадонæн. Уый, Цæгат Ирыстоны хъæууон хæдзарады у ног, фæлæ уыцы иу рæстæг стыр фидæн кæмæ æнхъæлмæ кæсы, ахæм къабаз. Кондитерон хъуыддæгты цы æхсæрæй пайда кæнынц, уый иллуылдæр Уæрæсемæ æрвыст цæуы фæсарæнтæй. Республикæйы ныссагътой 110 мин талайы. Иу къутæрæй цал килограммы тыллæг сæмбырд кæнæн ис, уый базондзыстæм нæ дарддæры æрмæгæй.
Куыд дарддæр, афтæ фылдæр. Фондз азы размæ Лескены фæзынд æхсæры цæхæрадон. Кæд йæ райдианы зæрдæхсаинаг уыд, уæддæр ныр йæ тыллæджы æрзадыл цин кæнынц йæ саразджытæ. Ацы аз иу бæласæй исынц фондз килограммы онг æхсæр.
Италиаг æхсæры хуыз цардмæ рахастой бынæттон амалхъом адæм. Цæхæрадоныл цæст зын ахæссæн у. Бацахста 85 гектары. Ацы аз, фыццаг хатт, æхсæры тыллæг æмбырдгонд цæуы бæстонæй.
Уæвгæ Италийæ æрбаластой æхсæры 7 хуызы, фæлæ дзы равзæрстой 4. Уыдон сты сæхæдæг чи æрызгъæлы, ахæмтæ. Цымыдиссаг у сæ æмбырд кæныны технологи дæр.
Хъæддаг æхсæр æххæст у бирæ пайдайаг витаминтæй. 70 проценты дзы ис сой, стæй, æнæниздзинадæн пайдайаг, æндæр хъуыддæгтæ. Уæдæ дзы цы бирæ амæлттæ аразынц, уый номхыгъд та у æгæрон. Уыимæ алы къабæзты.
Æхсæры куыст кæнын, парахатæй, Цæгат Ирыстонæн у ногдзинад. Уæвгæ республикæйы агропромышленнон къабазы архайынц æхсæры бæлæсты цæхæрадæттæ фылдæр кæныныл .
