Уый тыххæй кусæг фембæлды рæстæг баныхас кодтой республикæйы Сæргълæууæг Битарты Вячеслав æмæ «Уæрæсейы Посты» генералон директор Максим Акимов
2022-æм азы сцалцæг кæндзысты 8 посты хайады, 4 та байгом кæндзысты Дзæуджыхъæуы ног районты. Уый тыххæй кусæг фембæлды рæстæг баныхас кодтой республикæйы Сæргълæууæг Битарты Вячеслав æмæ «Уæрæсейы Посты» генералон директор Максим Акимов. Æдæппæтæй нæ регионы ис 173 посты хайады. Уыдонæй 22 сты, цæрджыты нымæц 500 адæймагæй къаддæр кæм ис, ахæм цæрæн бынæтты. Уым, зæгъæн ис, æмæ посты хайад у дунеимæ бæттæг фæрæз. Максим Акимов куыд загъта, афтæмæй хорз инфраструктурæ бæрæг дары лæггæдтыл. Службæйы фыццаградон хæстæм хауы – клиенттæн æнцонвадат уавæртæ аразын. Битарты Вячеслав та радзырдта, Аланийыл саргъауыны 1100 азы бонмæ цæттæгæнæн мадзæлтты тыххæй. Историон цаумæ нæ республикæйы бæстон цæттæ кæнынц сæхи. Зæгъæм, егъау рацарæзты æмæ цалцæггæнæн куыстытæ, арæзтæдтæ. Уæрæсейы Посты хайæдтæ дæр хъæуы саив кæнын æмæ ног пункттæ байгом кæнын, – загъта республикæйы разамонæг.
