17 декабря 2020, 12:20
2022-æм азы Цæгат Ирыстоны фæзындзæн ног телевизион мæсыг
Ныртæккæ йын æвæрынц бындур
2022-æм азы Цæгат Ирыстоны фæзындзæн ног телевизион мæсыг. Ныртæккæ йын æвæрынц бындур. Конструкцийы уæз уыдзæн 1400 тоннæйы, йæ бæрзæнд 210 метры. Æнцой кæндзæн æфсæнбетоны 8 цæджындзыл. Уыдон сты проекты æппæтæй ахсджиагдæр арæзтæдтæ. Сæ бон уыдзæн зæххæнкъуысты 9 баллы фæлæууын. Уæдæ тыхджын дымгæйæ дæр хъыгдард нæ баййафдзысты. Æндадзæн куыстыты фæстæ каркасыл ныккæндзысты бетон. Дарддæры куыстытæ та кæндзæн, конкурсмæ гæсгæ кæй равзарой, ахæм подрядон организаци. Телемæсыг аразынц Уæрæсейы алы регионтæй специалисттæ. Проект æххæстгонд цæуы Уæрæсейы телевизион æмæ радиохъусынады хызы хи фæрæзтæй. Цæгат Ирыстоны ног телемæсыг саразын бахъуыд, ныры онг чи ис, уымæн йæ гарантион мгъуыд кæй фæци, уымæ гæсгæ.
темæмæ гæсгæ
