Уымæй уæлдай хицауад æркæсдзæн нысанон ахуырады квотæтæм æмæ сæ фæфылдæр кæндзысты — хъусын кæны Уæрæсейы наукæйы æмæ уæлдæр ахуырады министрад
2023-æм азы абитуриентты бон уыдзæнис курдиæттæ бадæттын фондз ахуыргæнæндонмæ, алкæцыйы дæр фæйнæ фондз дæсныйады равзаргæйæ. Уымæй уæлдай хицауад æркæсдзæн нысанон ахуырады квотæтæм æмæ сæ фæфылдæр кæндзысты — хъусын кæны Уæрæсейы наукæйы æмæ уæлдæр ахуырады министрад. Уымæй уæлдай ахуырадон программæйы фæфылдæр кæндзысты историйы сахæттæ. Ведомствæ уымæй уæлдай скодта ног домæнтæ, нысанон квотæтæм гæсгæ чи ахуыр кæны, уыцы студенттæн. Ацы азæй фæстæмæ сæ хъæудзæнис сæ бæрæггæнæнты тыххæй дзуапп дæттын. 1-æм мартъийæ фæстæмæ та аивдзысты курдиæттæ исыны æмгъуыд. Уый фæрцы домæнтæ иумæйаг уыдзысты куыд комкоммæ, афтæ фæсаууонмæ дæр чи ахуыр кæны, уыдонæн. Ногдзинадмæ гæсгæ ахуыргæнæндæттæ курдиæттæ исыны кампани хъуамæ фæуой 29-æм августмæ. Раздæр та-иу уыцы æмгъуыд ахаста суанг сентябрьмæ.
