Уымæн фæрæзтæ радих кæндзысты, нысанмæ арæзт федералон программæ æххæстгæнгæйæ.
2024-æм азмæ республикæйы базилдзысты, Фыдыбæстæйы хæсты рæстæг салдæтты кæм баныгæдтой, ахæм 70 ингæнмæ.
Уымæн фæрæзтæ радих кæндзысты, нысанмæ арæзт федералон программæ æххæстгæнгæйæ. Сæ фылдæр уыдзысты федералон, иннæтæ та республикон бюджетæй. Цæттæгæнæн куыстытæ ныронг райдытой, сбæрæг уал кодтой фыццаградон 20 объекты. Хæсты салдæттæ кæмыты ныгæд сты, уыцы бынæттæ сбæрæг кодтой бархионтæ, бакуыстой архивты бæрæггæнæнтимæ. Уæрæсейы регионтæй æппæты фылдæр куыст цæудзæн Ростовы областы, уым базилын хъæуы 616 хæстон уæлмæрдмæ. 500 номарæн бынатæй фылдæр ис Ленинграды, Смоленскы, Калугæйы æмæ Новгороды облæстты. Æдæппæтæй нæ бæстæйы 2024-æм азмæ нысан кæнынц 10 мин æфсæддон ингæнмæ базилын. Уымæн радих кæндзысты 5 миллиард сомы.
