филиал вгтрк государственная телерадиовещательная компания “Алания”

Агропромышленон комплексы куыстуæттæн, профилон министрадты æмæ ведомствæтæн, стæй наукон-иртасæн институттæн Дзæуджыхъæуы арæзт æрцыди дыккаг равдыст-семинар.

Мадзалы архайджытæн фадат радтой наукон центры фæлварæн хайады кæй æрзайын кодтой, уыцы халсарты продукци фенынæн æмæ дегустаци скæнынæн. Уый, картофы алыхуызтæ, баклажантæ, пъæмидортæ, къабуска… Быдыры боны фæлгæты специалисттæ æрдзырдтой халсарты культурты мыггæгтæ парахт кæныныл, стæй республикæйы селекци æмæ селекцион технологиты райрæзтæн цы гæнæнтæ ис, уыдоны тыххæй. Равдыст-семинар бацæттæ кодта Дзæуджыхъæуы наукон центры хæххон хъæууон хæдзарады Цæгат Кавказы наукон-иртасæн институт.