Уый къухы бафтыд, республикæ «Чысыл æмæ астæуккаг амалхъомдзинад»-ы национ проекты ахадгæйæ кæй архайы, уый фæрцы
2024-æм азы Цæгат Ирыстоны бизнесы къабазæн æххуысæн радих кæндзысты 115 милуан сомы. Уый къухы бафтыд, республикæ «Чысыл æмæ астæуккаг амалхъомдзинад»-ы национ проекты ахадгæйæ кæй архайы, уый фæрцы. Фæрæзты фылдæр хай схардз кæндзысты, бизнесы фыццаг къахдзæфтæ чи кæны, æмæ хи фæллойæ æфтиаг чи исы, уыдонæн консультацион æмæ ахуырадон лæггæдтыл. Фарон амалхъомдзинадæн æххуысы республикон фонд сарæзта 100 ахуырадон мадзалæй фылдæр. Уыдоны архайдта 2 мин адæймагæй фылдæр. Æххуыс райсдзысты, æрыгон бизнесментæ дæр, стæй социалонты къордмæ чи хауы, уыдон дæр. Фарон ахæм æххуыс конкурсон æвзæрстмæ гæсгæ райстой 22 бизнесмены. Лæвæрд сын æрцыд 500 мин сомы онг гранттæ. Цæгат Ирыстоны сæргълæууæг Сергей Меняйло йæ телеграм-каналы куыд фехъусын кодта, афтæмæй чысыл æмæ астæуккаг бизнес республикæйы ахсы зынгæ бынат. Ацы къабазы архайы 70 мин адæймаджы онг æмæ сæ нымæц кæны фылдæр. Уымæ гæсгæ архайд цæуы алывæрсыг паддзахадон æххуыс сын кæныныл.
