Уый тыххæй кусæг фембæлды фехъусын кодта Евгений Вахтанговы номыл паддзахадон академион театры директор Кирилл Крок
2024-æм азы Цæгат Ирыстоны уыдзæн театралон фестиваль «Вахтангов. Путь домой». Уый тыххæй кусæг фембæлды фехъусын кодта Евгений Вахтанговы номыл паддзахадон академион театры директор Кирилл Крок. Амыдта йæ Хицауады сæрдары хæдивæг Платы Альбинæ. Æппæтæй егъаудæр мадзал суыдзæн фестиваль Дзæуджыхъæуы. Фæнд æй кæнынц Евгений Вахтанговы уарзон нымæц – 13-æм июлы байгом кæнын. Райдайдзæн карнавалон театрализацигонд цыдæй Сабырдзинады проспекты. Сæйраг программæ æххæстгонд цæудзæн Тæбæхсæуты Балойы номыл ирон æмæ Евгений Вахтанговы номыл уырыссаг театрты. Республикæйы цæрджытæн æмæ уазджытæн 6 спектаклы равдисдзысты сфæлдыстадон къордтæ Мæскуыйæ, Санкт-Петербургæй, Хъазанæй, Донецкæй, Омскæй æмæ Архангельскæй. Кæронбæттæн мадзалы уыдзæн стыр концерт Сæрибардзинады фæзы Евгенийы Вахтанговы номыл театры артистты æмæ хæлæртты, стæй Цæгат Ирыстоны сфæлдыстадон къордты æмæ уæрæсейаг эстрадæйы зарæггæнджыты архайдимæ. Цæудзæн 10 сахаты. Фестиваль та цæудзæн иннæ аз 13-æй 19-æм июльмæ.
