Уый тыххæй фехъусын кодтой Хицауады æмбырды
2025-æм азы цæрынæн æппынкъаддæры бæрц фæфылдæр уыдзæн 17 мины 733 сомы онг. Уый тыххæй фехъусын кодтой Хицауады æмбырды. Уымæй дарддæр фæфылдæр уыдзысты пенсион фиддонтæ дæр. Æппынкъаддæры бæрц уыдзæн 13 мин сомы. Физкультурæйы æмæ спорты министр Хуадонты Артур бахаста фæндон, цæмæй æппæтадæмон ерысты призерты æмæ спортсменты хорзæхджын кæной æхцайы премитæй. Ахуырады æмæ наукæйы министр Алыбекты Эллæ куыд радзырдта, афтæмæй ацы аз ахуырады рæзтмæ æвæрæн чи хæссы, уыцы иумæйаг ахуыргæнæндæттæ исдзысты гранты æххуыс фæйнæ милуан сомы. Уыдон сты 30 горæтаг æмæ 30 хъæуккаг скъолатæ. Ныхас ма цыд республикæйы фæндæгты хæдзарады рæзтыл. 2025-26-æм азты уыцы нысантæн радих кæндзысты 14 миллиард сомæй фылдæр.
