Фенæн дзы ис алыхуызон тематикæтимæ баст куыстытæ: нывкæнынад, графикæ æмæ скульптурæ. Равдыст ахæсдзæн декабры æмбисмæ. Алы аз дæр нывгæнджыты Цæдис адæмы размæ рахæссы 4 экспозицийы.
Фенæн дзы ис алыхуызон тематикæтимæ баст
куыстытæ: нывкæнынад, графикæ æмæ скульптурæ. Равдыст ахæсдзæн декабры
æмбисмæ.
Алы аз дæр нывгæнджыты Цæдис адæмы размæ рахæссы 4 экспозицийы.
«Фæззыгон вернисаж» у ацы азы кæронбæттæн равдыст. Аивадуарзджытæ аргъ
скодтой 96 авторы куыстытæн. Се хсæн аивæдты училищæйы ахуырдзаутæ, сæ
ахуыргæнджытæ уæлдæр ахуыргæнæндæтты студенттæ æмæ фæлтæрдджын
нывгæнджытæ. Экспозицийы ис 105 нывы. Æрбацæуджытæн дзы сæ бон у
балхæнын дæр.
Хъæцмæзты Людмилæ, равдыстыты залы
кусæг: «Адæм нæм зæрдиагæй цæуынц. Нæхæдæг дæр сæм фенхъæлмæ кæсæм.
Æрæмбырд кæнæм куыстытæ. Ис нæм сæрмагонд къамис. Уым равзарынц хуыздæр
куыстытæ. Стæй сæ сæвæрæм сæ бынæтты. Цæуынц нæм алы бон дæр. Фидын
никуы фæхъæуы. Се ппæты дæр хонæм. Чи рбацæуа, уый нæ фæфæсмон кæндзæн.
Тынг дзæбæх куыстытæ нæм вæййы».
