80 специалистæй фылдæр – дохтырты æмæ медиционон хоты размæ лæууы иу нысан – пенсиисджытæн æххуыс кæнын
23 азы ацæргæ адæмæн æмæ инвалидтæн лæггад кæны социалон куыстуат – Боныгон центр. 80 специалистæй фылдæр – дохтырты æмæ медиционон хоты размæ лæууы иу нысан – пенсиисджытæн æххуыс кæнын. Нырыккон аппараттæ æххуыс сты рыст фæкъаддæр æмæ æнæниздзинад фæфидар кæнынæн. Центры куысты тыххæй бæстондæр радзурдзæн Чехойты Фатимæ.
Алы райсом дæр центры райдайы иухуызон – зарядкæйæ. Йæ фæстæ та – дохтырты консультацитæ. Уыдон саразынц æнæхъæн лекцитæ, хистæр кары адæммæ арæхдæр цавæр низтæ рабæрæг вæййынц, уыдоны тыххæй. 67-аздзыд Надежда Дементьевамæ бирæ азты ис остеохондроз. Центры йын равзæрстой процедурæтæ, рыст фæкъаддæр кæныны тыххæй.
Дæсгай медицинон лæггæдтæй спайда кæнæн ис алы адæймагæн дæр. Нырыккон аппараттæ æххуыс сты рыст фæкъаддæр æмæ æнæниздзинад фæфидар кæнынæн. 80 специалистæй фылдæр – дохтыртæ æмæ медиционон хотæ кусынц ацы хæдзары. Сæ размæ лæууы иу нысан – пенсиисджытæн æххуыс кæнын.
Дзæбæхгæнæн массаж, УЗИ, низы фæстæ реабилитаци – иу ран райсæн ис алывæрсыг æххуыс. Доййаты Тамарæ центры кусы 20 азæй фылдæр. Йæ ныхæстæм гæсгæ, йæ пациенттæ цавæр æххуыс хъуаг сты, уый хорз зоны. Алкæмæ дæр сæ фæлмæнæй сдзуры, лæмбынæг сæм байхъусы. Ацæргæ адæм æрмæст се *нæниздзинад нæ фидар кæнынц, ам райсынц удæнцой.
Боныгон центр кусы 23 азы. Уыцы иу рæстæг дзы медицинон лæггæдтæ исыны фадат ис 30 адæймагæн. Уымæй уæлдай ма дзы кусы хуыйæн æрмадз, ис дзы уæлæдарæс бахуыйын, кæнæ дзаума сцалцæг кæнын. Маникюр, педикюр, сæры хъуынтæм базилын – ахæм лæггæдтæ дæр райсæн ис социалон куыстуаты. Центры дуæрттæ медицинон æххуыс æмæ консультацитæ райсынæн гом сты республикæйы æппæт цæрджытæн. Адæммæ лæмбынæг цæстдарды тыххæй куыстуат нымад æрцыд Уæрæсейы хуыздæрыл.
Дыууæ азы размæ центр йæ дуæрттæ байгом кодта, йе *нæниздзинад хъыгдард кæмæн у, уыцы сывæллæттæн дæр. Цæлгæнæны æххуыс кæнынц халсартæ сыгъдæг кæнын, ахуыр кæнынц хæринаг кæнын, фаархайынц цæхæрадоны дæр. Иу ныхасæй, фыццаг къахдзæфтæ кæнынц æхсæнады царды – центры кусджытимæ абалц кæнынц дуканитæм хойрæгтæ æлхæнынмæ.
Алы бон дæр ам бынат ис чысыл уæлахизтæн – низыл æмæ иунæджы цардыл. Боныгон центр у, адæмыл кæм узæлынц, ахæм дуне. Алы адæймаг дæр ам йæхиуыл
