Уый тыххæй йæ телеграм каналы ныффыста Сергей Меняйло
24 мин адæймагæй фылдæр ацыдысты дохтырты æркаст мобилон медицинон кабинетты. Уый тыххæй йæ телеграм каналы ныффыста Сергей Меняйло. Республикæйы разамонæг куыд бафиппайдта, афтæмæй кабинетты фæрцы дæрддзæф хъæуты цæрджытæн ис фадат профилактикон æркаст ацæуынæн, уый фæрцы рæзы æмæ фидардæр кæны цæрджыты æдасдзинад. Мобилон комплексты руаджы афойнадыл рабæрæг вæййынц онкологон æмæ инфекцион низтæ. Æдæппæтæй балхæдтой 10 ног медицинон комплексы. Афæдзы райдианæй уыдон дæрддзæф хъæутæм ацыдысты 800 хаттæй фылдæр. Сергей Меняйло куыд фæбæрæг кодта, афтæмæй ныхас кодта цæрджытимæ æмæ уыдон разы сты кабинетты куыстæй. Æнæниздзинады патрультæ кусынц республикæйы æппæт районты. Сæ балцы график ис фенæн æнæниздзинадхъахъхъæнынады министрады сайты. Дохтырты æркаст у лæвар.