Йæ рухс ном ссарынмæ йын Намысы Аллейæмæ æрбацыдысты йæ хиуæттæ, йемæ чи куыста, уыдон, республикæйы ветеранты Советы, æмæ æфсæддон оргианизациты минæвæрттæ, стæй фæсивæд
Хъæбатыры ном æнустæм. 25 азы размæ фæмарди Уæрæсейы хъæбатыр Андрей Днепровский. Йæ рухс ном ссарынмæ йын Намысы Аллейæмæ æрбацыдысты йæ хиуæттæ, йемæ чи куыста, уыдон, республикæйы ветеранты Советы, æмæ æфсæддон оргианизациты минæвæрттæ, стæй фæсивæд. Йæ хæлæрттæ ссыдысты бæстæйы алы горæттæй. Хъæбатыр службæ кодта агурæг-сгарæг дæлхайæдты. Уæвгæ йæм æфсæддон суæвыны бæллиц уыди сывæллонæй фæстæмæ. Сæ хæдзары къултыл-иу сныв кодта стъалытæ, уый фæстæ та йын уыцы стъалытæ саив кодтой йе фсæддон уæлæдарæс. Андрейæн йæ цардвæндаг кæд цыбыр рауади, уæддæр ын бантсысти тынг бирæ хъæбатырдзинæдтæ равдисын. Йæ райгуырæн бæстæмæ æгæрон уарзондзинад чи æнкъардта, ахæм патриот, йæ цард та лæгдзинады æмæ намысы дæнцæг. Андрей Днепровский архайдта Цæцæны республикæйы контртеррористон цауты. Йæ агурæг-сгарæг къорд йæхи æвдыста арæхстджын æмæ уæндонæй. 1995-æм азы февралы йе фсæддон хæс æххæстгæнгæйæ, Грознайы Хуссар-Скæсæйнаг район уæгъд кæныны рæстæг, фервæзын кодта, фыдгæнджытæм чи бахауди, ахæм адæмы. Гыццыл рæстæджы фæстæ та Андрейы разамындæй йе фсæддон къорд сæдас кодта, фыдгæнджытæ сæ рæмудзæн æрмæджытæ æмæ хæцæнгарз кæм дардтой, уыцы бынат. Уæд сын рауади карз тох, фæлæ æфссæддонтæй иу дæр нæ фæмарди. Фæлæ йыл уæддæр, хъысмæт мæнгардæй рацыд, æмæ, радон хæс æххæстгæнгæйæ, фæмарди хъæбатырæй. Уæрæсейы хъæбатыры ном ын радтой йæ амæлæты фæстæ.
