филиал вгтрк государственная телерадиовещательная компания “Алания”

Советон æфсæдтæ Афганистанæй куы ракодтой, ууыл 15 февралы сæххæст 25 азы. Алы аз дæр ацы аз фæмысынц, йæ интернационалон хæс æххæстгæнгæйæ, чи фæмард, уыдоны. 10 азмæ дзы фæмард 15 мин Советон салдатæй фылдæр.

Сабаты республикæйы сæргълæууæг Мамсыраты Таймураз фембæлд æфсæддон-интернационалисттимæ. Арфæ ракодта афганистаны хæсты ветерантæн… Куыд загъта, афтæмæй се ппæт дæр кадджынæй сæххæст кодтой се фсæддон хæс, нæ фæчъизи кодтой сæ фыдæлты кад æмæ намыс. Бæрзондæй хастой Советон æмæ Ирыстоны æфсæддоны ном.

Афганистаны хæсты 13 æфсæддоны хорзæхгонд æрцыдысты «Ирыстоны намыс»-ы майдантæй.

Æхсæнадон организаци «Хæсты инвалидтæ» та Мамсыраты Таймуразæн саккаг кодтой «Фыдыбæстæйыл æнувыддзинады» майдан. Республикæйы сæргълæууæджы ныхæстæм гæсгæ йæ рæстæджы интернационалисттæн æмбæлгæ аргъ не скодтой. Афтæмæй та у æгæрон. Уæд лæппутæ стыр аргъ бафыстой паддзахад æмæ бæстæ бахъахъхъæнынæн æмæ сæ рох кæнæн нæй. Хъуамæ алчидæр зона рæстдзинад.

Уыцы бон æфсæддон бирæ адæм æрбацыд интернационалистты Мемориалмæ дæр: Афганистаны хæсты ветерантæ, хæстонты мадæлтæ, республикæйы разамынд, æхсæнадон архайджытæ, фæсивæд. Алчидæр йæ хæсыл банымадта æдзард хæстонты ном ссарын æмæ сын сæ цыртдзæвæныл дидинджытæ сæвæрын.

Фæстæдæр бæрæгбоны мадзæлттæ арæзт æрцыдысты Намысы Мемориалы.

Афганистаны хæстмæ Цæгат Ирыстонæй ацыд 1 500 адæймагæй фылдæр, 57-æй дзы фæстæмæ нал сыздæхтысты. Ныртæккæ республикæйы цæры уыцы хæсты 800 ветераны.

60-йæ дзы хорзæхгонд сты «Сырх стъалыйы» орденæй.