11 января 2025, 19:30
26 специалисты ацы аз куысты бынæттæ райсдзысты «Земский доктор» æмæ «Земский фельдшеры» программæты фæрцы
Контракты домæнтæм гæсгæ, специалисттæ хъæуты хъуамæ бакусой фондз азы
24 дохтыры æмæ 2 фелшыры ацы аз куысты бынæттæ райсдзысты «Земский доктор» æмæ «Земский фельдшеры» программæты фæрцы. Уый тыххæй йæ телеграм-каналы ныффыста Сергей Меняйло. Республикæйы разамонæг куыд фæбæрæг кодта, афтæмæй программæйы фæрцы медицинон кусджытæ райсдзысты æхца – дохтыртæ фæйнæ иу милуан сомы, фелшыртæ та фæйнæ 500 мин сомы. Программæ кæдæй кусы, уæдæй нырмæ республикæйы хъæутæм æрбаздæхтой 200 специалисты. Контракты домæнтæм гæсгæ, специалисттæ хъæуты хъуамæ бакусой фондз азы. Æхсызгон мын у, контракты фæстæ дохтыртæн сæ фылдæр сæ куысты бынæтты кæй баззайынц, уый – бафиппайдта Сергей Меняйло.
темæмæ гæсгæ
