Праймеризы хатдзæгтæм гæсгæ сбæлвырд кæндзысты, республикæйы Парламентмæ партийы номæй кандидатты номхыгъд
287 адæймаджы сæхи сæвæрдтой, парти «Иугонд Уæрæсе»-йы рагагъоммæ хъæлæс кæныны хыгъды. Праймеризы хатдзæгтæм гæсгæ сбæлвырд кæндзысты, республикæйы Парламентмæ партийы номæй кандидатты номхыгъд. Хъæлæс кæныны процедурæ райдыдта 23-æм майы, æмæ фæуыдзæн 29-æмы. 27-æм майы онг та цæуы регистраци. Бацархайыны бон дзы у республикæйы алы цæрæгæн дæр. Æрмæст домæнтæ хынцгæйæ – 18 азæй къаддæр дыл хъуамæ ма цæуа, стæй хъуамæ фыст уай Цæгат Ирыстоны территорийы. Уыимæ пайда кæнын хъæуы Паддзахадон лæггæдты порталæй. Курдиæттæ балæвæрдтой 50 мин адæймагæй фылдæр. Праймеризы хатдзæгтæ фехъусын кæндзысты майы кæрон. Электрон хуызы рагагъоммæ хъæлæс кæныны процедурæ арæзт цæуы дыккаг хатт. Ацы аз кандидатты регистраци фæци 13-æм майы. Канд «Иугонд Уæрæсейы» минæвæрттæ хъуамæ ма уой. Домæнтæй иу уыд – цæмæй æндæр политикон партийы хыгъды ма уай, уа дæм æвзарæджы бартæ, стæй дæм тæрхондонæй фарстатæ ма уа.
