Цæгат Ирыстоны фæсивæдон парламенты уæнгтæ дарддæр кæнынц хæрзаудæн куыст, æмæ æххуыс кæнынц республикæйы цæрджытæн
30 бинонтæ республикæйы алы районтæй æхсызгон лæварæн райстой хойраджы продукттæ. Цæгат Ирыстоны фæсивæдон парламенты уæнгтæ дарддæр кæнынц хæрзаудæн куыст, æмæ æххуыс кæнынц республикæйы цæрджытæн. Æнæмæнг хъæугæ продукттæ байуарынц, коронавирус парахат кæныны аххосæй царды зын уавæрты чи бахауд, ахæм бинонтæн. Алы бон дæр хойрæгты дзæкъултæ баласынц бирæсывæллонджын æмæ фæкæсынхъуаг бинонтæн, стæй иунæгæй чи цæры, ахæм пенсиисджытæн. Хæлардзинады æххæст кæнгæйæ, адæмæн баласынц цай, зети, ссад, æмæ адджинæгтæ. Фæсивæды хъуыдымæ гæсгæ ахæм æххуыс чысыл æмгъуыдмæ дæр ахадгæ у. Фæсивæдон парламенты минæвæрттæ куыд бафиппайдтой, афтæмæй республикæйы цæрджытæн ахæм æххуыс кæндзысты дарддæр дæр.
