Уыцы бæрæггæнæн иннæ азтимæ абаргæйæ у дзæвгар фылдæр.
312 адæймаджы Цæгат Ирыстонæй нысан бадзырдмæ гæсгæ ахуыр кæнынц Уæрæсейы ахуыргæнæндæдты. Уыцы бæрæггæнæн иннæ азтимæ абаргæйæ у дзæвгар фылдæр. Ацы аз кæмæ æрхаудзæн уыцы бар, уыдоны номхыгъд сбæрæг кодтой радон къамисы æмбырды. Республикæйы ахуырады æмæ наукæйы министр Людмилæ Башаринæйы ныхæстæм гæсгæ, ацы аз сæм курдиæттæ балæвæрдта мин адæймагмæ хæстæг. Уæлдай фылдæр æргом здæхт æрцыд, Бæсланы теракты хъыгдард чи баййæфта, уыцы абитуриенттæм, уыдонæй 57 балæвæрдтой курдиæттæ. Æмтгæй райсгæйæ Уæрæсейы ахуыргæнæндæдтæм Цæгат Ирыстонæй бацыд 30 адæймаджы. 16 студенты та ахуыр кæндзысты коммерцион бындурыл. Сæ ахуырыл сын фыст цæудзæн республикæйы бюджетæй. Къамисы уæнгтæ æрцыдысты иумæйаг хатдзæгмæ – абитурентты ахуырмæ арвитыны размæ хъуамæ сбæрæг уа, куыстæй йæ чи сифтонг кæндзæн ахуыры фæстæ, уыцы куыстдæттæг.
