Ацы ансамбль кæддæр зыдтой алы хæдзары дæр. Зарын æмæ музыкалон инструменттыл цæгъдын уыд сæ алкæйы бæллиц дæр хæрзчысылæй фæстæмæ. Фæлæ цавæрдæр аххосæгтæм гæсгæ
35 азы фæстæ та къухтæ æнцонæй æрцæгъдынц гитарæйы æмæ балалайкæйы тæнтыл. Уæд 70-йæм азты кæрон Мæргъиты хоты ансамбль зыдтой алы хæдзары дæр. Бинонты уыд 9 сывæллоны – 7 хойы æмæ 2 æфсымæры. Æмæ нæ алчидæр хæрзгыццылæй бауарзта сфæлдыстад, зæгъы хистæр хо Аннæ. Зарын æмæ музыкалон инструменнтыл цæгъдын уыд нæ алкæйы бæллиц дæр. Фæлæ цавæрдæр аххосæгтæм гæсгæ сæ къорды куыст фæмынæг.
Мæргъиты Зæирæ: «Рæстæг нын бирæ нал ис, æмæ хъуамæ ногæй сæмбырд уæм, æмæ нæ курдиатæй аивадуарзджыты зæрдæтæ рухс кæнæм. Хуыцауæй лæвæрд курдиат у, æмæ нын æй нæ ныббардзæн, куы нæ йæ парахат кæнæм, уæд».
Мæргъиты Аннæ: «Нæ кæстæртæн хъуамæ бацамонæм нæ аивад, нæ зарджытæ. Хъуамæ сæ зоной, æмæ сæ бауарзой, мах куыд уарзтам, афтæ».
Царды зындзинæдтæм нæ кæсгæйæ Мæргъиты хотæ ссардтой хъарутæ æмæ ногæй сæмбырд сты иумæ, цæмæй сын кæддæр сæ аивадæн стыр аргъ чи кодта, уыдоны зæрдæтæ барухс кæной. Куыд зæгъынц, афтæмæй адæмæй тынг бузныг сты. Нæ сæ рох кæнынц.
Мæргъиты Зæирæ: «Ирон адæм. Æрмæстдæр нæхи ирон адæм. Алы рæтты цардыстæм, фæлæ-иу кæддæриддæр Ирыстонмæ тырныдтам. Æнæ мæхи ирон адæмæй мæнæн цард нæй. Афтæ йæ зæгъæм».
Æрæджы Мæргъиты хотæ ныффыстой писмо нæ республикæйы сæргълæууæджы номыл. Уым курынц, ног инструменттæ æмæ сын сценикон костюмтæ балхæнынæн баххуыс кæнын. Сæ курдиатæн дзуапп æвæстиатæй райстой. Республикæйы сæргълæууæг уынаффæмæ Мамсыраты Таймуразы уынаффæмæ гæсгæ традицион культурæйы æмæ этнотуризмы центр «Фарн»-ы минæвæрттæ сæхæдæг æрбацыдысты Мæргъитæм æмæ базонгæ сты сæ репертуаримæ. Центры специалисттæ сын зæрдæ бавæрдтой æнæмæнг баххуыс кæнынæй.
Октябры та ацы сфæлдыстадон къорд ногæй рацæудзæн стыр сценæмæ. Нары хъæуы кадджынæй бæрæг кæндзыстæм Хетæгкаты Къостайы райгуырды сæдæ фæндзай фондз азы бон. Æмæ уæд Мæргъиты хотæн фæстаг 35 азмæ уыдзæн фыццаг рацыд аивадуарзджыты размæ.
