Фыдбылызы бынаты чи уыд, уыдоны ныхæстæм гæсгæ æвзистхуыз машинæйы йæ хицау скъæрдта тынг тагъд.
Цæф нæлгоймаджы уайтагъддæр фæхæццæ кодтой рынчындогы реанимацимæ. Фæлæ йын дохтырты бон ницыуал баци. Машинæйы шофыр та фыдбылызы бынатæй алыгъд.
Цæф нæлгоймаджы уайтагъддæр фæхæццæ кодтой рынчындогы реанимацимæ. Фæлæ йын дохтырты бон ницыуал баци. Машинæйы шофыр та фыдбылызы бынатæй алыгъд.
Оперативон-сгарæн мадзæлтты рæстæг мидхъуыддæгты министрады кусджытæ Владикавказскийы уынджы гаражтæй иуы ссардтой машинæ.
«Хендай-Акцент»-æн скодтой экспертизæ æмæ æрцыдысты ахæм хатдзæгтæм – нæлгоймаджы скъуырдта ацы машинæ.
Пъæлицæйæгтæ куыд сбæрæг кодтой, афтæмæй шофыр у Дзæуджыхъæуы цæрæг, 34-азыдзыд нæлгоймаг. Наркотикты æнæзакъон зилдухы тыххæй йын уыд тæрхонгонд.
Аххосджын шофыры ссардтой йæ хæстæджытæй иуы фатеры куыд æмбæхст, афтæмæй. Пъæлицæйы кусджыты домæнтæн дуар бакæнын кæй нæ бакуымдта, уымæ гæсгæ бахъуыд зынгхуыссынгæнæн машинæ æрбатæрын. Йе ххуысæй пъæлицæйæгтæ 3-æм уæладзыджы рудзынгæй бахызтысты мидæмæ æмæ æрцахстой закъонхалæджы.
Ныртæккæ ис пъæлицæйы хайæдтæй иуы. Цæуы слест.
