Æппæтадæмон акци «Сад памяти» баст у Фыдыбæстæйы Стыр хæстмæ ацы хъæуæй чи ацыди, æмæ дзы чи нал сыздæхт, уыдоны рухс ном ссарынимæ
4,3 мины сырх тулдз æмæ æнгуз бæласы ныссыгътой Уырсдоны. Æппæтадæмон акци «Сад памяти» баст у Фыдыбæстæйы Стыр хæстмæ ацы хъæуæй чи ацыди, æмæ дзы чи нал сыздæхт, уыдоны рухс ном ссарынимæ. Цæгат Ирыстоны экологи æмæ æрдзон æвæрæнты министрады пресс-службæ куыд хъусын кæны, афтæмæй дыууæ бонмæ Дыгуры районы ныссагътой мин 9 сæдæ сырх тулдз бæласы талайы, 2 мины 4 сæдæ та æнгуз бæлæстæ. Акцийы архайдтой районы хъæды хæдзарады кусджытæ, фæсивæды социализацийы активисттæ æмæ волонтертæ. Уæ зæрдыл уын æй лæууын кæнæм, акци республикæйы цæудзæн 20-м апрельмæ. Уыцы æмгъуыдмæ фæнд кæнынц 45 мины æмæ 5 сæдæ бæласы ныссадзын. Ацы мадзæлттæм йе вæрæн бахæссын йæ бон у кæй фæнды, уыдонæн се ппæтæн дæр. Уый тыххæй хъæуы, садыпамяти2021.ру йы картæмæ бацæуын, æмæ дзы хи регистраци скæнын. Уымæй уæлдай, алкæмæн дæр фадат ис йæхи цæхæрадоны бæлæстæ ныссадзынæн, æмæ афтæмæй акци дарддæр ахæццæ кæнынæн.
