Фæрæзтæ радих кодтой федералон æмæ регионалон бюджеттæй
40 азмæ фыццаг хатт Беслæны поликлиникæ кæнынц бындурон цалцæг. Фæрæзтæ радих кодтой федералон æмæ регионалон бюджеттæй. Специалисттæ куыд зæгъынц, афтæмæй цалцæггæнæн куыстыты фæстæ бæстыхай дзуапп дæтдзæн нырыккон домæнтæн. Уымæй дарддæр цалцæг кæнынц тагъд æххуысы дæлстанцæ дæр. Куыд цæуынц куыстытæ, уый тыххæй бæстондæр радзурдзæн Тъехты Элинæ.
Беслæны поликлиникæ цалцæг кæнын райдыдтой паддзахадон программæ «Æнæниздзинадхъахъхъæнынады райрæзт»-мæ гæсгæ. Федералон æмæ регионалон бюджеттæй йын рахай кодтой 757 миллуан сомы онг. Бындурон цалцæг дзы нæ уыд 40 азæй фылдæр. Куыстытæ райдыдтой ацы аз, мартъийы. Районы поликлиникæ лæггад кæны 56 мин адæймагæн. Уыдонæй13 мины сты сывæллæттæ. Бæстыхайы уыдис амбулаторон хирургийы хайад. Цалынмæ йæ цалцæг кæнынц, уæдмæ адæмæн лæггад кæнынц рынчындоны бæстыхайы.
Ацы бæстыхайы уыдзæн 4 уæладзыджы. Цалцæггæнæн куыстытæй дарддæр ма дзы баивдзысты материалон – техникон бындур. Уыимæ медицинон кусæнгæрзтæ дæр. Ног поликлиникæ тагъд æххуыс бакæныны домæнтæн дзуапп дæтдзæн – зæгъынц специалисттæ.
Цалцæггæнæн куыстытæ сæ тæмæны бацыдысты сыхаг бæстыхайы дæр. Раздæр уыд аварион уавæры. У Беслæны генералон пъланы объекттæй иу. Тагъд æххуысы ног дæлстанцæйы руаджы фæхуыздæр уыдзысты Рахизфарсы цæрджытæн медицинон лæггæдты мадзæлттæ.
Ныриæдæгæн кусджытæ фидæны бæстыхайæн кæнынц бындур. Уыдзæн дзы тагъд æххуысы 6 машинæйы, стæй медицинон кусджытæн сæрмагонд бынæттæ.
