Куыстытæ ныридæгæн цæуынц Миллеры уынджы 4 хæдзары. Аив сын кæнынц се ддаг бакаст æмæ ивынц бæстыхæйттæ сæртæ.
40 бирæфатерон хæдзары бындуронæй сцалцæг кæндзысты ацы азы кæронмæ.
Куыстытæ ныридæгæн цæуынц Миллеры уынджы 4 хæдзары. Аив сын кæнынц се ддаг бакаст æмæ ивынц бæстыхæйттæ сæртæ. Дзусы-фырты æмæ Леваневскийы уынгты дыууæ хæдзары та баивтой инженерон электрон тыхдæттæг телтæ. Сæ 90 проценты уыдысты зæронд. Ныртæккæ конкурсон къамис кæсы 11 хæдзармæ, цæмæй дзы цалцæггæнæн куыстытæ бакæной, уый тыххæй. Ацы азы кæронмæ ма нысан кæнынц Мæздæджы районы 10 хæдзармæ базилын дæр. Уæ зæрдыл уын æрлæууын кæндзыстæм, бындурон цалцæджы программæмæ æппæт адристæ хаст не рцыдысты. Зæгъæм, коммуналон фиддонтæн æппындæр кæй не мбырд кæнынц æхца, уый тыххæй Алагиры районы 5 адрисы программæйæ рахастой. Дзæуджыхъæуы та иу хæдзар банымадтой кæлæддзагыл. Дыууæ хæдзары та ма бахæсдзысты, адæмы кæлæддзаг цæрæнуæттæй ногтæм раивыны программæмæ.
