11 августа 2014, 17:02
40 тоннæйы нуазыны дон Камазыл æрвыст æрцыди Æрыдонæй Украинæмæ
Хæрзаудæн акци арæзт æрцыд Афганистаны ветеранты Уæрæсейы Цæдисы цæгаирыстойнаг хайады хъæппæрисæй.
Ахæм хъуыды сæм сæвзæрд Славянскæй сæм се ‘фсæддон хæлар куы ссыд, уый фæстæ. Вячеслав Широков сын радзырдта,
40 тоннæйы нуазыны дон Камазыл æрвыст æрцыди Æрыдонæй Украинæмæ. Хæрзаудæн акци арæзт æрцыд Афганистаны ветеранты Уæрæсейы Цæдисы цæгаирыстойнаг хайады хъæппæрисæй.
Ахæм хъуыды сæм сæвзæрд Славянскæй сæм се ‘фсæддон хæлар куы ссыд, уый фæстæ. Вячеслав Широков сын радзырдта, Украинæйы адæмы цы æххуыс хъæуы, уый тыххæй. Йæ ныхæстæм гæсгæ дзы, фыццаджыдæр, нæ фаг кæны дон. Гуманитарон æххуыс æрæмбырд кæнынмæ се ‘вæрæн бахастой Цæгат æмæ Хуссар Ирыстоны Афганистаны æмæ æндæр хæстыты ветерантæ æмæ инвалидтæ. Камаз донимæ райсом ныхæццæ уыдзæн Донецкы арæнтæм. Уырдыгæй æрвыст æрцæудзæн горæттæм æмæ хъæутæм.
Лолаты Вячеслав, Афганистаны хæсты ветеран: «Лæппутæн айхъусын кодтон, нæ бон цы у, уымæй фæкæсæм, зæгъгæ. Йæхи ничи аздæхта. Хуссар Ирыстоны лæппутæм дæр бадзырдтам. Уыдонæн дæр хабар фехъусын кодтам. Сразы сты, æрбарвыстой камазы дзаг «Бæгъиаты» дон. Мæнæ ам та нæхимæ нуазыны дон ис. Кæстæр фæсивæд нæм фæкастысты. Дон ныккодтам».
темæмæ гæсгæ