10 января 2024, 11:14
556 милуан сомæй фылдæр республикон бюджетæй радих кæндзысты, льготæтæм гæсгæ хостæй ифтонг кæныны хъуыддагæн
Уый тыххæй йæ телеграм-каналы фехъусын кодта Сергей Меняйло
556 милуан сомæй фылдæр республикон бюджетæй радих кæндзысты, льготæтæм гæсгæ хостæй ифтонг кæныны хъуыддагæн. Уый тыххæй йæ телеграм-каналы фехъусын кодта Сергей Меняйло. Регионы разамонæджы ныхæстæм гæсгæ, дотациты бæрц афæдзæй-афæдзмæ кæны фылдæр. Кæд æмæ 2020-æм азы онкологон низтæй рынчын адæмæн медикаменттæн дих кодтой 96 милуан сомæй фылдæр, уæд 2023-æм азы та уыцы нымæц сси 289 милуан сомы. Ахæм уавæр ис сæкæрнизæй рынчынтæн дæр. 2021-æм азы сын рахай кодтой 167 милуаны, 2023-æм азы та – 249 милуан сомы. Куы бахъæуа, уæд ма уыцы хæстæн радих кæндзысты уæлæмхасæн фæрæзтæ, – загъта республикæйы Сæргълæууæг.
