Уый тыххæй хъæуы фæллойы æмæ социалон райрæзты министрады специалисттæн фехъусын кæнын
65 азæй фылдæр кæуыл цæуы, уыдонæн сæ бон у коронавирусы ныхмæ прививкæ сæ хæдзары скæнын. Уый тыххæй хъæуы фæллойы æмæ социалон райрæзты министрады специалисттæн фехъусын кæнын. Уыдон зилынц хæдзæртты кæртытыл, æмæ æмбырд кæнынц æмбæлгæ информаци. Вакцинаци поликлиникæйы ацæуын кæй фæнды, уыдонæн та лæггад кæнынц транспорт ссарынæй. Бæлвырддæр хабæрттæ радзурдзæн Гуытъиаты Алинæ.
Дохтыртæ семæ райсынц тонометр, термометр æмæ туджы туаггуыры бæрц барæн фæрæз. Æнæ уыдонæй нæй хæдзары вакцинаци ацæуын. Фæлæ рынчынмæ араст уæвыры размæ дохтыртæ хъуамæ æрæмбырд кæной æппæт информаци йæ æнæниздзинады тыххæй
Гам-Ковид-Вакимæ дохтырты бригад араст Дарчиты Замирæмæ. Æстай астайаздзыд сылгоймаджы бон поликлиникæмæ бацæуын нæу. Вакцинаци ацæуын æй цæмæ бафæндыд, зæгъгæ йæ куы бафарстой, уæд сылгоймаг загъта, йæ кæстæртыл кæй тыхсы, уый.
Вакцинаци хæдзары арцæуыны бар ис инвалидтæн, ацæргæ æмæ къахæй чи нæ цæуы, уыцы адæмæн. Æрæджы дæр ма уыцы къорды адæмæн нæ уыдис гæнæн поликлиникæйы вакцинаци ацæуынæн. Ныртæккæ та фæллой æмæ социалон министрад æнæниздзинадхъахъхъæнынады министрадимæ иумæ сарæзтой æппæт уавæртæ, цæмæй рынчынты æдыхстæй хæццæ кæной медицинон куыстуæттæм.
Ахæм мадзæлттæ ныридæгæн аххæссыдысты нæуæдз дыууæ мин адæймагыл. Уыдонæй дæс мины ацыдысты вакцинаци, æхсæз мины та фæнд кæнынц хæстæгдæр рæстæг сæхи прививкæйы фæрцы низæй бахъахъхъæнын.
