Уый тыххæй æрвылкъуырион аппаратон æмбырды фехъусын кодта вице-премьер Томайты Ирбег
650 уæзласæн машинæйы сæ радмæ æнхъæлмæ кæсынц уæрæсейаг-гуырдзиаг арæнты сæрты ахизынмæ, 525 машинæйы лæууынц сæрмагонд æрлæууæнты. Уый тыххæй æрвылкъуырион аппаратон æмбырды фехъусын кодта вице-премьер Томайты Ирбег. Куыд сбæрæг, афтæмæй электрон рады лæууы мин машинæйæ фылдæр. Æмбырды ныхас цыди хæцгæ низтæ парахат кæныны уавæрыл дæр. Республикæйы фæлхасадмæ цæстдарды управленийы хъусынгæнинагмæ гæсгæ, эпидемиологон къæпхæн грипп æмæ æхснырсæгæй Цæгат Ирыстоны нормæйæ у 7% фылдæр. Дохтыртæм æххуысагур чи цæуы, уыдонæн се 60% сты сывæллæттæ. Ахуырады æмæ наукæйы министр Алыбекты Эллæ уæлæмхасæн загъта, сывæллæтты хсæн бирæ рынчынтæ кæй ис, уый тыххæй сæхгæдтой 3 скъолайы, 49 хицæн къласы æмæ 10 рæвдауæндоны. Хицауады сæрдар дзуапдæттæг оргæнтæм фæсидт, цæмæй куыст фæхъомысджындæр кæной.
