филиал вгтрк государственная телерадиовещательная компания “Алания”

Джеоргуыбайы бæрæгбоны арфæ Цæгат Ирыстоны цæрджытæн ракодта
республикæйы сæргълæууæг Мамсыраты Таймураз. «Ацы бæрæгбон у
æппæтадæмон, æмæ йæ бæрæг кæнынц Ирыстоны алы хæдзары дæр.

Уымæй мах хъахъхъæнæм æмæ фæлтæрæй фæлтæрмæ дæттæм нæ рагфыдæлты
хуыздæр æгъдæуттæ. Джеоргуыба адæмы кæны æнгомдæр. Хуыцауы ном ссаргæйæ
хистæртæ дæнцæг дæттынц фæсивæдæн, уæзæгуарзон фысым æмæ зæрдæхæлар
сыхаг уæвын куыд ахсджиаг у, уый тыххæй. Æнусты сæрты нæм цы культурæ
æмæ æгъдæуттæ æрбацыдысты, уыдон фидардæр кæнынц адæмы зондахаст æмæ
удыхъæд. Нæ бирæ национ республикæйы цæрджытæн мæ зæрдæ зæгъы,
æнæниздзинад æмæ бæркад. Джеоргуыба Ирыстоны рæсугъд фидæнæн
æххуысгæнæг уæд»,- загъд ис Мамсыраты Таймуразы арфæйы фыстæджы.