Паддзахадон æххуысы иумæйаг бæрц сси 160 милуан сомы бæрц
70 фермерон хæдзарадæй фылдæр райстой гранттæ «Агростартап» 2024-æм азы. Паддзахадон æххуысы иумæйаг бæрц сси 160 милуан сомы бæрц. Уый тыххæй йæ телеграм-каналы фехъусын кодта республикæйы сæргълæууæг Сергей Меняйло. Фæрæзтæ схардз кæнын ис садзæнтæ, фос, техникæ балхæнынæн, агъуыстытæ аразынæн æмæ æндæр нысантæн. Конкурсон æвзæрсты архайдта 150 адæймагæй фылдæр: куыд фæлтæрдджын аграритæ, афтæ куысты йæхи чи фæлвары, ахæм фæсивæд дæр. Ацы аз фермертæ дарддæр исдзысты грантон æххуыс паддзахадон программæ «Республикæ Цæгат Ирыстон-Аланийы хъæууон хæдзарады райрæзт»-мæ гæсгæ. Уымæй фæстæмæ ма профилон министрад райдыдта кусын ног национ проект «Технологическое обеспечение продовольственной безопасности»-мæ гæсгæ. Уым сæрмагонд æргом здæхт цæудзæн агропромышленнон комплексæн кусджыты цæттæ кæныны фарстамæ.
