Уыди Паддзахадон телерадиокомпани «Алани»-йы хуыздæр оператортæй иу
73 аздзыдæй йæ цардæй ахицæн нæ раздæры мкусæг, культурæйы сгуыхт кусæг Владимир Пархоменко. Уыди Паддзахадон телерадиокомпани «Алани»-йы хуыздæр оператортæй иу. Куыста Цæгат Ирыстоны Автономон республикæйы паддзахадон телерадиойы сæйраг телеоператорæй иу. Владимир Ильичæн суанг йæ фæлладуадзыны рæстæг æрхæццæ, уæдмæ рæдауæй йæ кæстæр æмкусджытæн лæвæрдта йæ зонындзинæдтæ. Зонгæ сæ кодта ацы дæсныйады сусæгдзинæдтимæ. Операторы дæсныйад йæхæдæг зыдта иттæг хорз, хаста йæм йæхи æвæрæн. Уæвгæ йæ курдиат уыди æгæрон. Йæ сæйраг куыстæй уæлдай ма архайдта алыхуызон къордты. Уыди йæм актеры миниуджытæ дæр. Уарзта æмдзæвгæтæ æмæ эпиграммæтæ кæсын. ПТРК-«Алани»-йæн Владимир Пархоменко радта йæ царды 52 азы.
