Уый агъоммæ Цæгат Ирыстоны æрыгон ахуыргæндтимæ фембæлд республикæйы Срæгълæууæг Битарты Вячеслав
8-æм февралы æппæт бæстæйы дæр бæрæг кæндзысты Уæрæсейы наукæйы бон. Уый агъоммæ Цæгат Ирыстоны æрыгон ахуыргæндтимæ фембæлд республикæйы Сæргълæууæг Битарты Вячеслав. Æмбырдмæ хуынд æрцыдысты, наукæйы алы фæзилæнты æнтыстдзинæдтæ кæмæн ис, уыцы фæсивæд, Сæргълæууæджы цур æрыгон ахуыргæндты советы уæнгтæ, стæй наукæ æмæ техникæйы къабазы республикæйы разамонæджы премийы лауреаттæ. Абон Битарты Вячеслав хæрзиуджытæ радта хуыздæртæн. Æдæппæтæй конкурсмæ хаст æрцыди 13 куысты. Сæ автортæ – 8 æрыгон ахуыргонды, 5-æй та сты иумæйаг ахуырады скъолаты хъомылгæнинæгтæ. 100 мин сомы премитæ райста дохтыр-онколог Кокойты Леонид, Уæрæсейы наукæты академийы дзæуджыхъæуккаг наукон центры кусæг Дмитрий Поляков, æмæ хæххон аграрон университеты студенттæ Имран Сеидов æмæ Дзæгъиаты Алан. 50 мин сомы аккаг та сси Магкæты Рамазан, йæ поект аразыны рæстæг уыди сывæллæтты техникон сфæлдыстады Хæдзары хъомылгæнинаг.
