Фæндаггон службæйы кусджытæ уæлдай цæст дарынц светофоры бынмæ æрлæууæн хаххæй æмæ ныхмæ цæуæг фæндаджы хаймæ чи рахизы, стæй сырх рухсмæ чи нæ бауромы.
8-æмæй 15-æм августмæ Цæгат Ирыстоны арæзт цæуы паддзахадон атоинспекцийы профилактикон мадзал «Безопасный перекресток».
Фæндаггон службæйы кусджытæ уæлдай цæст дарынц светофоры бынмæ æрлæууæн хаххæй æмæ ныхмæ цæуæг фæндаджы хаймæ чи рахизы, стæй сырх рухсмæ чи нæ бауромы, уыцы закъонхалджытæм. Паддзахадон автоинспектортæ сидынц шофыртæм, цæмæй 2 цæхгæрмæ уынджы сæрты цæуой фæндаггон закъæттæ æххæст кæнгæйæ, ома рагацау фæсабырдæр кæнын машинæйы цыд æмæ къæрцхъус уæвын. Мадзалы рæстæг инспектортæ машинæты хицæуттæн сарæзтой тест. Шофыртæм радтой, алы цаутæ æвдыст кæм уыдысты, ахæм нывæфтыд карточкæтæ, уыдонмæ гæсгæ шофыр хъуамæ радтаид дзуапп куыд рацыдаид сæвзæрд уавæрæй. Раст дзуапп чи радта, уыдонæн балæвар кодтой, уæлæдарæсыл талынджы чи рухс кæны, ахæм нысантæ. 100 адæймагæй дзуапп зынтæй радтой æрмæстдæр 2-йæ. Иннæтæ сæ размæ æвæрд хæстæ сæххæст кодтой.
