Фæлварæн æнтыстджынæй чи радта, уыдонæн уыдзæнис иумæйаг паддзахадон аттестацийы архайыны бар
8 мин цæгатирыстойнаг фарæстæмкъласоны радтой дзургæ фæлварæн уырыссаг æвзагæй. Фæлварæн æнтыстджынæй чи радта, уыдонæн уыдзæнис иумæйаг паддзахадон аттестацийы архайыны бар. Дзургæ фæлварæны рæстæг алы скъоладзауæн дæр лæвæрд цыди 15 минуты. Се нæниздзинад хъыгдард кæмæн у, уыдонæн та 30 минуты. Бæрæггæнæнтæ æвæрдзысты зачеты хуызы. Фæлварæн чи нæ радта, уыдонæн фадат уыдзæнис 9-æм мартъийы æмæ 16 майы сæ тыхтæ ногæй бафæлварынæн. Дзæуджыхъæуы 5-æм гимназы фæлварæн радтой 152 фарæстæмкъласоны. Уырыссаг æвзагæй дарддæр фæсивæды æнæмæнг раттын хъæудзæн математикæ, стæй ма дыууæ предметы равзардзысты сæхæдæг. Уæ зæрдыл уын æрлæууын кæндзыстæм, æрæджы аппаратон æмбырды ахуырады æмæ наукæйы министр Алыбекты Эллæ фехъусын кодта, ацы аз дзургæ фæлварæн комкоммæ хуызы кæй уыдзæн, уый тыххæй.
