Йе сфæлдыстадон куыстытæн кæддæриддæр аивадуарзджытæ æмæ критиктæ кодтой стыр аргъ
80 аздзыдæй йæ цардæй ахицæн режиссер, кинооператор, Уæрæсейы кинематографистты Цæдисы цæгаткаказаг хайады сæрдар Гулуты Вячеслав. Йе сфæлдыстадон куыстытæн кæддæриддæр аивадуарзджытæ æмæ критиктæ кодтой стыр аргъ. Бирæ хæттыты-иу систы алыхуызон кинофестивальты хæрзиуджыты аккаг. Æмæ йæм ныр дæр уыди бирæ фæндтæ æмæ нысантæ. Фидараты Маринæ радзурдзæн бæлвырддæр.
Йæ хъуыдыты кæддæриддæр уыд кинематограф. Афтæ дзырдта йæхицæй Цæгат Кавказы кинематографистты Цæдисы сæрдар Гулуты Вячеслав. Æнусы рдæгæй фылдæр балæвар кодта кинойæн æмæ операторы аивадæн.
3 хатты йæ гæххæттытæ балæвæрдта Кинойы æппæтцæдисон паддзахадон институтмæ, æмæ йын бантыст. Куыста зындгонд советон режиссертимæ, оператортимæ, киноактертимæ. Фæлæ йæ уæддæр йæхимæ æлвæста йæ райгуырæн зæхх. Уымæн æмæ йын Ирыстонæй хуыздæр бынат зæххы къорийы нæ уыди. Киномæ уарзондзинад фæхаста йæ зæрдæйы.
Ивгъуыд æнусы 70-йæм азты кинохроникæйы цæгат-кавказаг студийы Ирыстоны афæдз дыууæ хатты истой телевизион кинонывтæ, 48 киножурналы. Уый документалон нывтæ портреттæ, программæтæ æиæ очерктæ нæ нымайгæйæ. Гулуты Вячеслав стыр æвæрæн бахаста ирыстойнаг киноаивадмæ. Гулуты Вячеславы бæллиц уыд Цæгат Кавказы кинохроникæйы студи æмæ кинойы Хæдзар сног кæнын. Уыди йæм бирæ фæндтæ æмæ нысантæ. Фæлæ баззадысты ивгъуыды. Цыди йыл 80 азы.
