Цæгат Ирыстоны паддзахадон университеты байгом егъау равдыст
80 азы фæстæ Нюрнбергы истори ногæй йæхимæ лвасы историкты, журналистты æмæ студентты ргом. Цæгат Ирыстоны паддзахадон университеты байгом егъау равдыст. Дзурæг у 20-æм æнусы тæрхондоны сæйраг процессыл. Равдысты архайджытæ базонгæ сты архивон гæххæттытимæ, хуызистытимæ æмæ æндæр æрмæджытимæ. Бæлвырддæр хабæрттæ радзурдзæн Чехойты Фатимæ.
Æппæтадæмон нацизмæн тæрхон чи рахаста, уыцы историон процессы 316 боны.
80 азы дæргъы фæлтæртæ æрхъуыды кæнынц дунейы скондæн раст хатдзæг чи скодта, уыцы æппæтадæмон тæрхонæн. Уæлахизхæссæг – Советон адæмы хъæлæс æфсæддон фыдгæнæджы ныхмæ уыд сæйрагдæр æмæ объективондæр. Истори хъахъхъæнджытæ сфæнд кодтой Нюрнберджы процессы нысаниуæджы тыххæй æрыгон фæлтæрæн радзурын.
ЦИПУ-йы студенттæ æмæ скъоладзаутæ базыдтой бирæ ног хабæрттæ экспозицийæ. Документалон æвдисæндартæ, хуызистытæ, архивон гæххæттытæ, газетты æрмæджытæ дзурынц уыцы рæстæджы цаутыл. Нюрнберджы процессы хатдзæгты сæйраг нысан у дунеон трагедийы тыххæй фехъусын кæнын æмæ ног ма руадзын. Зонадон советы агъуысты арæзт æрцыд æмбырд «Ни давности, ни забвения». Журналистикæйы факультеты æмæ Дзæуджыхъæуы электроникæйы колледжы студенттæ бацæттæ кодтой докладтæ, ахсджиаг темæйыл аныхас кодтой ахуыргæнджытимæ.
Проект бантыст, ахсджиаг гуманитарон хъæппæристæ æххæстгæнæг – Уæрæсейы историон æхсæнад æмæ фонд «История Отечества»-йы æххуысæй. Ахæм мадзæлтты руаджы ахсджиаг цаутæ рохгонд никуы уыдзысты.
