Конституцийы тæлмацгæнæг уыди Дзаттиаты Алыксандр
85 азы размæ Цæгат Ирыстоны обком сфидар кодта уагæвæрд, ирон æвзагыл Конституцийы проект саразыны тыххæй. Уыцы цау æрцыд, Цæгат Ирыстоны автономон облæсть Цæгат Кавказы крайы хыгъдæй куы рацыд, æмæ Цæгат Ирыстоны автономон Советон Социалистон республикæ куы сси, уæд. Конституцийы тæлмацгæнæг уыди Дзаттиаты Алыксандр. Уый фæдыл бардзырд ныры онг ис нæ республикæйы архивон службæйы. Конституцийы фыццаг тæлмац ирон æвзагмæ фыст æрцыд латинаг шрифтæй. Радон конститутци та сфидар кодтой 1978-æм азы. Уый тæлмацгонд нæ уыд. Фæлæ ныртæккæ цы сæйраг закъон æххæст кæнæм, ома 1994-æм азы кæй рауагътой, уый дæр ис ирон æвзагыл фыстæй. Фæлæ нæ республикæйы Конституцион тæрхондоны раздæры сæрдар Цалиты Алыксандр куыд зæгъы, афтæмæй ныртæккæ æрцыд, Цæгат Ирыстоны сæйраг закъонмæ ивддзинæдтæ бахæссыны рæстæг.
