Докладтимæ дзы раныхас кодтой республикæйы наукон æхсæнады минæвæрттæ, сæ куыстытæ адæмы размæ рахæсдзысты ахуыргæнджытæ дæр.
Докладтимæ дзы раныхас кодтой республикæйы наукон æхсæнады минæвæрттæ, сæ куыстытæ адæмы размæ рахæсдзысты ахуыргæнджытæ дæр. «Колмогоровы кæстытæ» арæзт æрцыдысты Хуссар математикон институты, Уæрæсейы наукæты академийы Дзæуджыхъæуы наукон центры, ахуырады æмæ наукæйы, стæй фæсивæды хъуыддæгты, физкультурæ æмæ спорты министрадты хъæппæрисæй. Конференци цæудзæн 4 боны. Архайдзысты дзы 47 æрыгон иртасæджы дæр. Сæ наукон куыстытæ сты математикæйæ, физикæйæ, информатикæйæ, стæй хими æмæ биологийæ. «Колмогоровы кæстытæ» арзт æрцыдысты Уæрæсейы наукæйы бонмæ.
Дзарасаты Тамарæ, наукон-практикон конференци «Колмогоровы кæстыты» архайæг: «Мæ доклады темæ у «Задачи на построение с помощью циркуля и линейки». Ацы конференцийы архайын дыккаг аз, мæ зæрдæмæ тынг цæуы, уымæн æмæ æз цæуыл бакуыстон, уый адæмæн равдисын мæ бон у».
Плиты Марат, Уæрæсейы наукæты академийы Дзæуджыхъæуы наукон центры Хуссар математикон институты хистæр наукон кусæг: «Ацы хорз хъуыддæгтæ цалдæр азы цæуынц. Колмогоров уыдис стыр номдзыд математик Уæрæсейы дæр, æппæт дунейы дæр, æмæ йын мах йæ ном арæм Ирыстоны – нæ институт, не скъоладзаутæ, нæ ахуыргæнджытæ».
