Уæрæсейы президенты хæслæвæрд æххæст кæнгæйæ, 2020-æм азæй фæстæмæ æппæт бæстæйы, æмæ йæ арæнтæй дарддæр сагъд цæуынц милуангай бæлæстæ – Фыдыбæстæйы Стыр хæсты азты чи фæмард, уыдонæй алкæйы номыл дæр
9 мины æмæ 500 бæласæй фылдæр ацы аз ныссаддзысты республикæйы æппæтадæмон акци «Номарæн таладон»-мæ гæсгæ. Уæрæсейы президенты хæслæвæрд æххæст кæнгæйæ, 2020-æм азæй фæстæмæ æппæт бæстæйы, æмæ йæ арæнтæй дарддæр сагъд цæуынц милуангай бæлæстæ – Фыдыбæстæйы Стыр хæсты азты чи фæмард, уыдонæй алкæйы номыл дæр. Хицæн æргом здæхт æрцыд, сæрмагонд æфсæддон операцийы рæстæг чи фæмард, уыцы хъæбатырты кадæн номарæн аллейæтæ аразынмæ, фехъусын кодта Цæгат Ирыстоны сæргълæууæг Сергей Меняйло. Проект республикæйæн сси зæрдæхæлар традици. æрвылаз æм баиу вæййынц сæдæгай цæрджытæ. Акцийы бацархайын у алкæйы бон дæр: уый тыххæй хъæуы бацæуын сайтмæ æмæ амынддзинæдтæ сæххæст кæнын. Хъæугæ инвентарь æмæ садзæн æрмæг ратдзысты æрдзон æвæрæнты æмæ экологийы министрады. Акци хъуамæ райдайа 18-æм мартъийы. «Номарæн таладон» у национ проект «Экологи»-йы федералон проекты хай.
