08 августа 2014, 14:12
90 азы сæххæст Цæгат Ирыстоны прокуратурæйыл
Ныртæккæ рæстдзинадыл республикæйы тох кæнынц 250 адæймаджы бæрц. Абон сын сæ профессионалон бæрæгбоны фæдыл раарфæ кодтой хицауады уæнгтæ, бæрнон ведомствоты разамонджытæ. Цæгат Ирыстоны сæргълæууæг Мамсыраты Таймуразы уынаффæмæ гæсгæ «Ирыстоны намысы майдантæй» хорзæхгонд æрцыдысты республикæйы прокуроры хæдивæг Камил Гусейнов æмæ Цæгат Ирыстоны
Ныртæккæ рæстдзинадыл республикæйы тох кæнынц 250 адæймаджы бæрц. Абон сын сæ профессионалон бæрæгбоны фæдыл раарфæ кодтой хицауады уæнгтæ, бæрнон ведомствоты разамонджытæ. Цæгат Ирыстоны сæргълæууæг Мамсыраты Таймуразы уынаффæмæ гæсгæ «Ирыстоны намысы майдантæй» хорзæхгонд æрцыдысты республикæйы прокуроры хæдивæг Камил Гусейнов æмæ Цæгат Ирыстоны прокуроры хистæр æххуысгæнæг Мзокты Хъазыбег. Хæрзиуджытæ сын радта хицауады сæрдар Такъоты Сергей. «Цæгат Ирыстоны сгуыхт юристы ном» лæвæрд æрцыд республикæйы прокуратурæйы барадон статистикæйы хайады сæргълæууæг Ачеты Лалийæн æмæ Æрыдоны районы прокурор Акъоты Хъазыбегæн. Уыимæ ма прокуратурæйы раззагдæр кусджытæн лæвæрд æрцыд Цæгат Ирыстоны кады гæххæтытæ. Прокуратурæйы кусджытæн ма раарфæ кодта республикæйы Парламенты сæрдар Алексей Мачнев. 7 хуыздæр кусæджы хорзæхгонд æрцыдысты Парламенты кады гæххæттытæй. Бæрæгбоны фæдыл ма прокуратурæйы кусджытæн раарфæ кодта Дзæуджыхъæуы администарцийы сæргълæууæг Дзантиаты Сергей æмæ сын радта кады гæххæттытæ. Цæгат Ирыстоны прокуратурæйы 90 азы юбилеймæ зæрдылдарæн нысантæй хорзæхгонд æрцыдысты 100 кусæджы бæрц.
темæмæ гæсгæ
